خوش اونون حالینه انسان گله ..انسان..یاشیا
وای اونون حالینه انسان  گله ..حیوان.. یاشیا

خوش اونون حالینه آللاه دییه ..ایمان..گئتوره
وای  اونون حالینه آللاه دییه..شیطان..یاشیا

خوش  اونون حالینه انسانلارا..خدمت..ائلیه
وای اونون حالینه چوخ سندرا..پیمان.. یاشیا
 
خوش اونون حالینه یوخسول..الینی..دوتتو الی
وای اونون حالینه هچ ائدمیه..احسان..یاشیا

خوش اونون حالینه خار  ..ایلمیه.. مخلوقی
وای  اونون حالینه غیب  اِده..بهتان.. یاشیا

خوش اونون حالینه ائل..فخر..ایلیه هرزادنا
وای اونون حالینه اؤمرو گئچه..نادان.. یاشیا

خوش اونون حالینه خادمدی..آتایلان..آنایا
وای اونون حالینه حرمت سنا..آننان..یاشیا

خوش اونون حالینه عاشق اولا..دوز..قلبیله
وای اونون حالینه خائن گزه تا..جان..یاشیا

خوش اونون حالینه اوز..باورینه..اتدی عمل
وای اونون حالینه خنجر وئرا..دالدان..یاشیا

گینه گلدی رمضان،
هامی مسلمان اولاجاق!
دین اسلام اوجالوب،
خلق نماز خوان اولاجاق!
او آداملار که ائدیب،
میلته چوخ جور وستم!
هامیسی بیر گئجه ده،
قاری قرآن اولاجاق!

نه آزادم بو عالمده، نه الده ایختیاریم وار
نه غصه ال چکیر مندن، نه دیلده بیر قراریم وار

قفسده ساخلامیش ظالیم، فغانیمدن آلیر لذت
تصور ائیله‌مز گون تک، منور بیر شعاریم وار

دیلیم داغلی، گؤزوم باغلی، قولاغیم کار، اوزوم گولمز
گونه حسرت قالان، گولسوز، صفاسیز لاله زاریم وار

نه‌چون من اولماییم محزون، اورکدن ائتمه‌ییم ناله
هر آددیمدا معین‌دیر، قازیلمیش بیر مزاریم وار

بئله لاقید گؤردوکده منی طعن ائتمه‌یین یاران!
سارای‌سیز، ائل‌سیز انسانم، نه یوردوم، نه دیاریم وار

نه فرهادم چاپام داغی، دیلیمده کلمه‌ی شیرین
نه مجنونام، نه صنعانم، نه لئیلیم، نه خوماریم وار

ازلدن من بیلیردیم کی، گؤزللر چوخ وفاسیزدیر
اودیر آتدیم مئیی، عشقی، نه یاریم، نه نیگاریم وار

اؤلوم خوشدور چیخ ای روحوم! بو جسم ناتوانیمدان
نه تسلیم اولماقا میلیم، نه دهره اعتباریم وار

زواللی خلقی‌نین دردین گرکدیر «بی‌ریا» چکسین
بویولدا قانیما باتسام، بؤیوک بیر افتخاریم وار

✍️#محمد_بی‌ریا