گون لرین بیر گونی ارنست همینگوی دوسلارینان قفه خانادا ( سیز اوخویون باردا )
قورولموشوموشلار ، سوز قیسا ناغیل دان دوشور بیری دئییر فیلان کس بئش سطرده
بیر کامیل قیسا ناغیل یازیب اوبیرسی دئییر من اوچ سطرده بیر قیسا ناغیل یازارام
نوبه یئتیشیر ایکی سطره بویاندان ارنست همینگوی یوخ ایمانیمی یاندیرامیرام کفلی
- اویاق دئییر من آلتی کلمه نن بیر ناغیل یازارام یولداشلاری سوزو آغزوندان توتوب نبیلیم
 نئچه دن قوروشولار  همینگوی بیر کاغیذین گوشه سینده بئله یازبر

" for sale : baby shoes never worn  "
ائیله بیل معنی سی بو اولور     ساتدیغا :  اوشاق باشماغی ، هئشواخ گئیلمیب .
یاخاری داکی یازی تکجه بیر آلتی کلمه لی جمله دئییر بیر بویوک غملی ناغیل دیر
و بو آلتی کلمه ده قوروشمانیدا دوسلاریندان اودوب  بو امریکالی یازیچی 62 یاشیندا
اوزون اولدوروب

زمانه‌نین حؤکمۆ بیری واردی, بیری یوْخدو, کۆر قئر اغیندا بیر الیمردان کیشی واریدی. بۇیازیغین همئشه الی خمیر, قا رنی آجی دی ایشلردی, شۇملاردێ, اکردی, مالالاردێ,بئجردیب محصۇلۇ باشا گلنده بَی بیر یاندان, بوْرجلۇ بیر یاندان, ائله خرمنده الین‌دن آلاردیلار. پاییز گلنده بۇ کیشی تزه‌‌دن دۆشردی قاپی-قاپی بوْرج دیلنمه‌یه.گۆنلرین بیر گۆنۆنده الیمردان کیشی آروادیینان سؤزۆ بیر یئره قوْیدۇلار کی, تا بۇندان سوْنرا شهرلره دۆشۆب, رۇزی لرینی قازانسینلار.بلکه الیمردانین بیر یاندان بختی آچیلدێ. سحر اوْلدۇ, الیمردان دۆشدۆ یوْلۇن دۆزۆنه. آز گئتدی, اۆز گئتدی, گلدی بیر دره‌نین قیراغینا چاتدێ.بۇ دره ویلایتده جیننی دره آدینان مشهۇر ایدی. بۇرا گیرن ساغسالامات ائوینه قاییتمازدێ. ساغدان-سوْلدان بۇلۇدلار ایچینده گیزلنمیش داغلارێ آشیب شهره گئتمک, دره‌‌دن ده قوْرخۇلۇیدۇ. آدام چنه,دۇمانا دۆشۆر, یوْلۇنۇ آزیب, آخیردا گئنه ده بۇ دره‌یه گلیب چیخیردێ, یادا قۇرد-قۇشا یئم اوْلۇردۇ. الیمردان کیشی دئدی:- جیننی دره‌یه گیره‌رم, هر نه اوْلۇرسا-اوْلسۇن, تفاوۆتۆ یوْخدۇ,آجیندان اؤلمکدنسه, جاناوارا یئم اوْلماق داها یاخشیدی.کیشی‌نین اۆستۆنده کاراستیدان-زاددان بیر تییه‌سی ده یوْخدۇ. چؤریینی یوْخلادێ, آنجاق کی, صاباحینا چاتاردێ. کوْروْغلۇ اؤزۆنۆ دۆشمنه توْخۇیان کیمی, بۇ دا سوْخۇلدۇ دره‌یه. بیر خئیلی گئتدی. یوْلۇ چوْخ ایریش-اۆیرۆش,داشلی ایدی. دره‌نین ائنسیز بیر یئرین‌دن آچیق بیر یئرینه چیخمیشدێ کی, گؤردۆ دالدان چاغیریرلار:- الیمردان, الیمردان, دایان!الیمردان کیشی بیر آز دا یئیین ترپندی. گؤردۆ دالدان یئنه سس گلدی:- الیمردان, دایان, الیمردان سنننم, دایان!قوْجا کیشی اؤزۆنه اۆرک وئردی. دؤنۆب دالا باخدێ. هئچ کیمی گؤرمه‌دی,دئدی:- باخ, یقین کی, جیننی دره‌ده بئله سسلر گلیر.

 حامام-حامام ایچینده, خلبیر سامان ایچینده, دوه دللکلیک ائدر, کؤهنه حامام ایچینده. قاریشقا شیللاق آتدی , دوه‌نین قیچی سیندی. حامامچینین تاسی یوْخ, بالتاچینین بالتاسی یوْخ, اوْردا بیر تازی گؤردۆم, اوْنۇن دا خالتاسی یوْخ. گۆنلرین بیر گۆنۆنده, مممد نسیرتینینده. چوْخلۇ شیلاش ییئمیشم, بئله یالان دئممیشم. بیری وار ایدی, بیریوخ ایدی, اللاهدان باشقا هئچ کیم یوْخ ایدی. بیر تاجیر وار ایدی. بۇ تاجیرین ایلیاس آدلی بیر قۇلۇ وار ایدی. تاجیر ایلیاسی اؤز اوْغلۇ کیمی ایستییردی. ایلیاس دا تاجیری اؤز دده‌سی کیمی.بیر گۆن تاجیر الینده اوْلان وار-یوْخ مایاسینی باتیردی. تاجیر چوْخ فیکیرلی-فیکیرلی اوْتورمۇشدۇ. ایلیاس بۇنۇ قۆسسه‌لی گؤرۆب یانینا گلدی, دئدی:- آغا, نه فیکیر ائلییرسن؟ دردینی دی, بلکه چاره ائلدیم.تاجیر گۆلۆب دئدی:-آی ایلیاس, سن بیر قۇل آدامسان, منیم دردیمه نه چاره ائلیه بیلرسن؟ ایلیاس دئدی: آی آغا, سن اؤزۆن بیلیرسن کی, من سنی نه قدر ایستییرم. بلکه ایکیمیز بیر یئرده دردۆوه درمان ائلدیک.تاجیرین چاره‌سی کسیلدی, دئدی:- ایلیاس, من وار-یوْخ مایامی باتیرمیشام. ایندی الیمده بیر قپیکم یوْخدۇ. اوْنۇن فیکرینی ائلییرم کی, ایندی من نه ائلیه‌جه‌یم.ایلیاس دئدی:- آغا, بۇننان هاسان شئی یوْخدۇ, آپار منی سات, همین پۇلۇ الینده مایا ائله!تاجیر گۆلۆب دئدی:- ایلیاس اول, من سنی چوْخ ایستییرم. نئجه سنی آپاریم ساتیم؟ بیرده کی, سنه نه پۇل وئره‌جکلر کی, من اوْنۇ الیمده مایا ائلییم؟ ایلیاس دئدی:- آغا, من قیئمتلی قۇلام. من دۆنیادا اۆچ شئیی یاخشی تانییێرام.آتێ, داش-قاشی, آدامی. اوْدۇ کی, آپار منی بازارا, بئش یۆز تۆمن‌دنن اشاغی ساتما. همین پۇلۇ گتیر, الینده مایا ائله!تاجیر بیر آز فیکیر ائلدی, گؤردۆ باشقا چاره یوْخدۇ. ایلیاسێ قۇل میدانیناآپاردێ. کیم گلیب قییمت سوْرۇشۇردۇ, تاجیر بئش یۆز تۆمن دئییب,اؤزۆ ده اۆچ شئی بیلدییینی خبر وئریردی.بۇ واخت پادشاهین وزیری بۇرادان کئچیردی. بۇ سسی ائشیدیب تاجیرین یانینا گلدی, دئدی:- قۇلۇ نئچه دئییرسن?- بئش یۆز تۆمنه دئییرم. اؤزۆ ده اۆچ شئیی یاخشی تانئییر: آدامی, آتی,داش-قاشی.وزیر دئدی:- سن دلی اوْلمۇسان ندی؟ هئچ پادشاهین بۆتۆن قۇللارێ بئش یۆزتۆمنه دیمز. سن بۇ قۇلۇ بئش یۆز تۆمنه دئییرسن?تاجیر دئدی:- بۇ قۇلۇن قییمتی هله بئش یۆز‌دن ده یۇخاریدێ. کئفین چکیر آل,کئفین چکمیر آلما.