بیر گون  توپال تئیمور موللا دان سوروشور :
ده گوروم منی نه قدر ایستیرسن ؟
من موللا نصر الدین قیبله عالم تئیمورو او قدر ایستیرم
، نه قدر کی موللا بیر شاهی ایستیه بیلر !!
توپال تئیمور دئییر :
یاخشی منه خاطیر اولومه گئدرسن ؟
موللا :
اوزوم گئده بیلمسم ده جللاد لار کومک ائلیر لر
توپال تئیمور :
مثلا من اگر امر ائلسم بو ساعت اوزونو دنیزه ( دریا) آتارسان
موللا بو سوزو ائشیتجک دورور ایاغا توپال تیمور سوروشور :
هارا گئدیسن
موللا جواب وئریر
قیبله عالم ساغ اولسون !
سنین یولوندا دنیزه آتیلیب بوغولماق منیم اوچون شرف دیر
آنجاق ایجازه وئر ، قاباقجا گئدیب اوزمگی اورگنیم سونرا
گوزوم  اوسته
موللا بو سوزو دئییب باشین سالیب اَشاغا تئز مجلیسدن چیخیب

بیر گون توپال تیمور مولانصرالدینن سوروشور :
موللا دوزونو ده گوروم ایستیرسن پادشاه اولاسان ؟
موللا نصرالدین دئییر :
یوخ آللاه ائلمسین   من یازیق دئییرم
توپال تیمور دئییر :
نئیه ؟
موللا دئییر :
من بو آز عومرومده بیر - ایکی پادشاهین اولومونو گورموشم
اینشاللاه هله بیر ایکیسینی ده یولا سالاجئیام آمما بو
پادشاه لارین هئچ بیر ایسی موللا اولومونو گورمویوب

علی دایی - سپهر حیدری - محمد موسوی ( والیبال اولدوزو )
ممنوع الخروج اولوب لار !!!
سینما و تلویزیون آکتورلاری ممنوع الچهره اولوب لار !
اینترنت فیلتر !
ماهواره پارازیت !
یئییب ایچمک اوجوزلوق !!
ایش سیز لیک یوخدو!
سئیاست آدام لاریمیز هامیسی میلت چی ( نه ایش گورلر فقط میلتین راحاتچیلیغینا
خاطیردی )
دولتین دخلی  و خرجی  ، هامیسی آیدین  (دوپ دورو سو کیمی)
میلت هامیسی کامیل آسایش ده
بیلمیرم میلت نئیه ناشکر اولوب
بلکه آمریکا - انگلیس - آلمانی گوره سیز میلتی هامیسی فلاکت ده دی .

یولداش لاریمین بیری دانیشیردی دئییردی :
بو تئزه اغتشاشاتدا کی بیلمیریم ییغیناجاقدان زادان واریمیش گشت ماشینی
شهرداری فلکه سینده دایانیر دئییر هئش کیمین حقی یوخدو بو فلکه ده
 دایانا ، ایشین ناسازلیغیندان بیدنه ساقی (مواد ساتان ) بو فلکه ده پاتوق
ائلیب مواد ساتیرمیش سیز دئیه ن گشت دئییر بئله بو دوروب  ایغتشاشا
گئچیب تئز  بونون اَلینه بیر دستبند ویریب توتوب آپاریلار کلانتریه
ایکی - اوچ گوندن سونرا کی بیلینر بابا بونون اصلن ایشی نمنه دی
ایغتشاش چی دئییرمیش بونو بوشلولار (بوراخیلار) بو چیخاندان سونرا
کی هامی جریانی بیلیر بیری بونا دئییر کی سن ائلیه بیلرسن ادعای شرف
 ائلیب دولتدن بیر شئی آلاسان ساقی اوزون توتور بونا دئییر
شررررف هانکی شررف یوخ شئیه من نئیه دولته شر ائلیم

بویوک ننه مین دیرناغینین قوشو قوپوردو هانسی دوکتوره آپاردیق
باش تاپامادی ویتامین حساسیت هره سی بیر سوز دئدی آخیردا
بیر خارجده تخضصوصون آلان دوکتورلرین بیرینه گئدیک بیرآز معاینادان
 سونرا دئدی  خانیم ننه نین چاره سی شامپاین ایچمک ده دی ولی بیلریم
شاید اعتقاد لارینان خاطیر ایچمئیه حالا بیراز ناهار دا غذا آراسیندا
داوا عوضینه ایستکانین دیبینده بیراز شامپاین ایچسه بیر آی چکمز بو
رفع اولار صاباحی سی بیر شامپاین ناهار سوفره سینین آراسیندا
ایستکانین دیبینده بیراز توکدوک بویوک ننه م رحکتلیم بیراز آغزین بوزوب
ایچدی منه کی باخدی من تئز یاری ایستکاندا دولدوردوم وئردیم الینه
ناهار قوتاردی دئمه بس بو استکان بویوک ننه می توتسون بیراز خوش ائله سین
چکیلدیک قیراغا بویوک ننه م دوردو نمازا بیلمدیم آتمیش رکعت قیلدی یوز رکعت قیلدی
سوزوم اوندا یوخ صوحبتیم بوندا دیکی ائله بارماغینین قوشو قوپماسی گئتدی هئش اولدن
ائله بیل یوخوموش

هله قویاق کی تهرانین آشقال قابی لارین ییغیشتیرمالاری امنیتی دی
بیری سوروشسون بیزیم آشقال قابی لاریمیزی کیم ییغیشتیریر ؟
منیم عاغلیما بو مافیایی بیر ایش ه اوخشویور !
البته مملکت بتر یه دی - یه دی دی آدام هر زاددان قورخور

من دوولت وزیر لرینین یئرینه اولسایدیم
بو خیاونلارا چیخانلاری میندیریب اوتوبوسا اپاریب توکردیم افغانیستانا
افغانیستانان دا بیر ایکی اوتوبوس آدام ییغیب گتیرردیم ایرانا
بو ایش هم باعث اولار او گئدنلر بیلسین ایران افغانستانین یانین دا بهشت کیمی یئردی
افغانی لار دا کی باشین سالیب اشاغا ایشلیه جک یوخ اولماسا گلسین اولاردا تظاهراتا چیخسین !
یورولمیاسیز بالاخره بیر پیشنهادی دی محترم دوولت و وزیر لره