توپال تئیمور بیر گون موللا نصرالدینی قورخوتماق و اوتاندیرماق
مقصدیله سارای آداملارینین ایچینده بیردن - بیره اوزون توتوب
موللایا  حیصلی -حیصلی(عصبانی) دئییب :
آلدیغیم معلوماتا گورا دونن بیر مجلیسده جاماعات منی تعریفلییرمیشلر
و منیم عدالت لی بیر پادشاه اولدوغوم بارده دانیشرمیش لار
سن ده اوردا ایمیش سان و منیم یاخشلیغیم بارده هئچ بیر سوز دئمیب سن
موللا هئچ حالینی پوزمادان جاواب وئریر:
خئییر فیبله عالم ساغ اولسون یالان سوزدور
من نه اینکی دونن حتا دئیه بیلرم بوتون عومروم ده هئچ ائله بیر مجلیس ده
اولمامیشام کی اوردا سنین عدالتین دن دانیشسین لار
 

بیر گون موللا همئشه توپال تئیمورون یانیندا اولان قاضی لرین بیرین دن
سوروشور :
قاضی عاغا سنین ایمامین کیم دیر ؟
قاضی یالتاق - یالتاق تئیمورون طرفینه ایکی قات اولوب دئییر :
قیبله عالمیمیز تئیمور
مجلیسده کی لردن بیری یاواشجا موللانین قولاغینا دئییر کی
موللا سوروش گورک پئیغمبری کیم دیر ؟
موللا دئییر :
کیم اولا بیلر
ایمامی تئیمورو اولانین پئیغمبری ده  چنگیز دن بیریسی اولمالی دی

بیر گون  توپال تئیمور موللا دان سوروشور :
ده گوروم منی نه قدر ایستیرسن ؟
من موللا نصر الدین قیبله عالم تئیمورو او قدر ایستیرم
، نه قدر کی موللا بیر شاهی ایستیه بیلر !!
توپال تئیمور دئییر :
یاخشی منه خاطیر اولومه گئدرسن ؟
موللا :
اوزوم گئده بیلمسم ده جللاد لار کومک ائلیر لر
توپال تئیمور :
مثلا من اگر امر ائلسم بو ساعت اوزونو دنیزه ( دریا) آتارسان
موللا بو سوزو ائشیتجک دورور ایاغا توپال تیمور سوروشور :
هارا گئدیسن
موللا جواب وئریر
قیبله عالم ساغ اولسون !
سنین یولوندا دنیزه آتیلیب بوغولماق منیم اوچون شرف دیر
آنجاق ایجازه وئر ، قاباقجا گئدیب اوزمگی اورگنیم سونرا
گوزوم  اوسته
موللا بو سوزو دئییب باشین سالیب اَشاغا تئز مجلیسدن چیخیب

بیر گون توپال تیمور مولانصرالدینن سوروشور :
موللا دوزونو ده گوروم ایستیرسن پادشاه اولاسان ؟
موللا نصرالدین دئییر :
یوخ آللاه ائلمسین   من یازیق دئییرم
توپال تیمور دئییر :
نئیه ؟
موللا دئییر :
من بو آز عومرومده بیر - ایکی پادشاهین اولومونو گورموشم
اینشاللاه هله بیر ایکیسینی ده یولا سالاجئیام آمما بو
پادشاه لارین هئچ بیر ایسی موللا اولومونو گورمویوب