قدیم زامانلار چاربورج دا فرج عمی آدیندا بیر هوشلی –باشلی و دوشونجه لی انسان یاشاییرمیش فرج عمی چوخلو چاربورج لولارا تای اکینچیلیک ایشینه باخارمیش او سحر تئزدن چوله گئدیب اوت – یونجا بیچیب باغلاییب ائولرینه گتیررمیش بیر گون فرج عمی باغلیق ائشیب یونجا باغلاییرمیش کی بیردن بیره گورور بیر آیری عجیبه – غریبه شخص بونون ایشلرین یانسیلاییر فرج عمی هر نه ایش گورور بو غریبه شخص ده اونو تکرارائله ییرفرج عمی آنلاییر کی بو جین دیر چون کی جینی گورن لردن ایشیتمیش جین لر آدامی لاغا قویوب گوردویو ایش لری یانسیلارلار .

فرج عمی بیر آز فیکیر له شیر سونرا ائشدیگی باغلیق ایله اوزونون قیچین وسونرا قول لارین باغلاماقا یاشلاییر جین ایسه همین بو ایشی اوزونون اوستونده گوروب و اوز قیچ – قولون باغلیق ایله باغلاییر فرج عمی بیردن بیره یانیندا کی اوراق ایله باغلیقی کسیب و اوز قیچ – قولون آچیر اما جین اوراغین دمیر اولدوغو اوچون اونا یاخین دوشه بیلمیر و قولو – قیچی باغلی تله یه دوشور فرج عمی تئز خودوندان (کت)  بر سانجاق چیخاردیب جینین پالتارینا سانجیب و جینی اوزونه قول (نوکر) ائله ییر

فرج عمی جینی کنده آپاریب  و اوندان چوخلی ایشلر چکیر

ائو ایشیندن توت تا چول ایشینه کیمی بو جین مهارت و سرعت له گورورموش جینین پالتارینداکی سانجاغین گوره هئچ بیر یئره قاچا بیلمیر میش آخی جین لر دمیردن قورخوب اونا تسلیم اولارلار

گون لرین بیر گونو جین چایدا پالتار یویورموش کی بیردن بیر قیز اوشاغینا راست گلیر جین بو قیزا دئیر کی آی قیز منیم اللریم باتیق دیر امکانی اولسامنیم پالتاریمدان بو سانجاغی آچگینان قیز ایسه ماجرادان خبر سیز جینین بو سانجاغین پالتاریندان آچیر سانجاق جینین کوینه ییندن قوپان همین جین غیب اولور قاچیر

چاربورج لو آتا – آنالارین دئدیک لرینه گوره جین آزاد  اولاندان سونرا فرج عمی گیلین دام لارینین اوستونه گئدیب باجادان اونلارا دئییر من آزاد اولدوم آما نه یازیق کی سیز منیم قدریمی بیلمه دیز اگر مندن سوروشسایدیز بوتون درد لرین  و نوخوشلوق لارین درمانین بیلیردیم ائو آدام لاری دئییر نه اولار اونلاردان بیر نئچه سین سویله گینن آما جین دئییر کی داها اولماز چون کی من آزاد اولموشام جین اوگوندن چیخیب گئدیرو بیر داها گوزلره گورونمور

چاربورج ، میاندوآب این شهر لریندن دیر