بئتر گون لر سووروق 

بیر طرف دن باهالیق امانیمیزی کسیب 
بیر طرفدن بازار کساد دیقی 
بیر طرفدن دولتمیزین ایشتباه تصمیم لری 
بئله گئتسه آخریمیز آیدین دی !!!

باهالیق

بئله کی سن سالیسان چئن له دومانلیق باهالیق
رحم ائت آنجاق کی یامان بیر گونه قاللیق باهالیق 
گون به گون قالخیسان هئچ یئنمیسن ها! بیر آشاغی
یئنسن هر ماهنی دئسن بیز سنه چاللیق باهالیق
ایستی سن فتح ائده سن ،سن «اورست»قولله سینی؟
سن اوچون هر نه دئسن یئن یئره آللیق باهالیق
بئله سورعت گوتوروب اولمویا تورموز قیراسان!
یوخسا یوخ دنده سنین!سالما طوفانلیق باهالیق!
بیزده یوخ تاب و توان رحم ائله بیر آزجا دایان
سوفره میز بوشدور اینان یوخدو دامازلیق باهالیق 
بوکولوبدور بئلیمیز آخ! زارا گلدیک سن ایله
لاپ قوجاتدین بیزی آی داد! جاوانلیق !باهالیق
بیر عومور بیز سنه بو عمری اوتوزدوق باهالیق
اوتوزان عمری مگر بیرده قازانلیق؟ باهالیق
نه قه در وئرسه له «یارانه» یئنه قد وئرمز
آخی هر «فاز»دا سالیر شهره قارانلیق باهالیق
آمان آللاه ! بیزی قورتار بو هیولانین الیندن 
داها هئچ میللته گوسترمه یامانلیق، باهالیق!

(چاپ شده در نوید صبح زمستان 1391)

آردینی اوخو
جمعه 7 دی 1397
بؤلوملر : گولملی سوزلر,