بیزیم بیر ائویمیز واریدی
قدیم ائو لردن ایدی
دووارلاری نین عِننی (عرضی) یالان اولماسین بیر متر اولاردی
اونا گورا نه یای دا اوجور ایستی بیلردیک
نه قیش دا سن دئیه ن هوانین شاختاسین قدیم معماری دی
اوز دیلیمز سیمان گرپیچین اوجوز وختی تیکیلمیشدی
قاپی پنجره سی تاختادان ایدی
بیر بویوک حیطیمیز وار ایدی ایچینده یئکه بیر حوض دوره سی دولو کَرتیلرینه ن
ایچینده ریهان - کاوار- جعفری- گشنیز - نانه - مزره - ترپ
هامیسی نین دوره سینده لوبیا مَکَه (ذرت) اَکمیشدیک
هله بیر طرفیده بستان ائلیب خیاردان پامادوردان - کدو - قره بادیمجان دان اکردیک
اخشام کی اولاردی
اب پاشینان حوضون سویون گوتوروب سَپردیک کرتیله ره
بیلمیره م نئیه بولار یادیما توشدو
اوندا منیم یئدی - سککیز یاشیم اولاردی
خوش خاطره لر هئش واخ یاددان چیخماسین
ادامین بیر جور اولور او گون لره فیکیرلشنده