دونن آخشام چاغی سن سیز منی آغلاتدی یاغیش
سپدی اوز دامجی لارین گوز یاشیما قاتدی یاغیش
اسدی یل لاخلادی اندامی بو شهرین له یامان
گول لرین ایدی بلین تل لرین ایسلاتدی یاغیش

ائله بیر قلبی توتولموشدی گویون دوزمه دی چوخ
بیر آغیر یوک بو داوامسیز بلیمه چاتدی یاغیش

--------------

دوشدوم آواره بو چولدن او چوله گورمه غیوه
فیکر الیدیم گله جک سن
منی آنلاتدی یاغیش
بیر اوشاخ تک منی آسلاندی نوازش ائله دی
آلدی اوز کولگه سینه
ال چالیپ اویناتدی یاغیش
صبحه تک شهری دولاندیم
گوزوم آختاردی سنی
منی جانسیز
سل آپارمیشلارا اوخشاتدی یاغیش

دوشدوم آواره بو چولدن او چوله گورمه غیوه
فیکر الیدیم گله جک سن
منی آنلاتدی یاغیش
بیر اوشاخ تک منی آسلاندی نوازش ائله دی
آلدی اوز کولگه سینه
ال چالیپ اویناتدی یاغیش
صبحه تک شهری دولاندیم
گوزوم آختاردی سنی
منی جانسیز
سل آپارمیشلارا اوخشاتدی یاغیش

تراختور تیمینین 21 یاشیندا ملکانی اولدوزی مهدی ببری اوز اینستاگرامیندا
 تورکیه اولکه سینین عسگرینین عکسین قویوب  و بونون بو ایشی باعث اولوب
فدراسیون اونی اویونلاردان محروم اله سین
سیروان قوربانی کورد اویونچو دا اونا جواب یولوب  که اشاغا دا اوز ادبین
گوستریب دی .

سایتلارین بیری بیر سوروشما  دا کی سیزین نظریز روح الله زم مین توتالماقینا
نئدیر  بیر ایکی مطلب یازیلمیشدی کی بیری بتر خوشا گلیمی دیر و الحق  والانصاف
آدامی فیکره آپاریردی  اونون نظری بویودی کی بیزیم کی او حده گوجوموز وار
بیرین بیر آغیر عملیاتدا دونیانین اوبیری طرفندن چکیب گتیریب همسایه اولکه
سینده توتاق نئیه اوز باش مسئولاریمیز کی ایت بالاسین یئییه ن کیمی مملکتین
پولون یئییلر بیر عملیات اله میلر .
سیزین نظریز نئدی ؟؟

اوستاد شهریارین معروف شعری «حسینه یرلر آغلار، گویلر آغلار» که اردیبهشت ایی
 نین   1358 اینجی ایلینده یازمیشدی گئنه ده بوتون تورک لرین دیلینده دی و هئش
وقت کوهنه  لن دئییر .  الله اونی ایمام حوسینینن محشور ائیله سین .

حسینه یئرله ر آغلار گؤیله ر آغلار
بتول و مصطفی پیغمبر آغلار
حسینون نوحه سین دلریش یازاندا
موسلمان سهلدیر که کافر آغلار
کور اولموش گؤزله رین قان دوتدو شومرون
کی گؤرسون اؤز الینده خنجر آغلار
حسینون کؤینه گی زهرا الینده
چکر قئیحا قیامت ، محشر آغلار
آتاندا حرمله ، اوخ کربلاده
گؤرئیدین دوشمن آغلار ، لشگر آغلار
قوجاغیندا ، گؤرئیدین ام لیلا
آلیب نعش علی اکبر آغلار
رباب ، نیسگیل دؤشونده سود گؤره نده
علی اصغری یاد ائیله ر آغلار
باشیندا کاکل اکبر هواسی
یئل آغلار ، سنبل آغلار ، عنبر آغلار
یازاندا آل طاها نوحه سین من
قلم گؤردوم سیزیلدار ، دفتر آغلار
علی ، شق القمر ، محراب تیلیت قان
قولاق وئر ، مسجید اوخشار منبر آغلار
علیده ن شهریار ، سن بیر اشاره
قوجاقلار قبری ، مالک اشتر آغلار

اربعین حسین...

زینبوی یا حسین غملر ایدوبدی حزین

کرب و بلایه گلوب تا که دوتا اربعین

ای شه عطشان حسین* قبروه قربان حسین

آغلیور عالم سنه *عالمه سلطان حسین

بی کفن دلبریم یا حسین

لاله ی پرپریم یا حسین

---

اهریمنون جوریلن  سالدی آراده سنی

تشنه شهید ایلدی کرب و بلاده سنی

اوخشیور اهل ولا ارض و سماده سنی

ماتم جانسوزوه آغلیور اهل زمین

ای شه عطشان حسین قبروه قربان حسین

آغلیور عالم سنه عالمه سلطان حسین

بی کفن دلبریم یا حسین

لاله ی پرپریم یا حسین

---

آخدی فراتون سوئی داغ داشا هم چوللره

دگمدی بیر جرعه سی تشنه اولان  لبلره

اولمادی بیر قطره سو تا ویرلر اصغره

ایندی باجون سو سپور قبروه چوخ دل غمین

ای شه عطشان حسین*قبروه قربان حسین

آغلیور عالم سنه* عالمه سلطان حسین

بی کفن دلبریم یا حسین

لاله ی پرپریم یا حسین

---

آلما خبر سن اخا غصه لی پروانه دن

آچدی سینیق پرلرین غمزده میخانه دن

بیر قره معجر قالوب یاره لی ریحانه دن

کسدی سنون دشمنون شامیده یورقون سسین

ای شه عطشان حسین*قبروه قربان حسین

آغلیور عالم سنه* عالمه سلطان حسین

بی کفن دلبریم یا حسین

لاله ی پرپریم یا حسین

شعر: اکبر پورآقا

قاپانچی حسنی گوله گوله خیاباندا گؤردوم دئدیم: خیر اولا حسن.

دئدی : بیر نفر ال عربه سینن خیاواندا گوردوم میوه ساتیردی. بیردن بیره داشقا

اوزو آشاغدا بونو زوررادی  داشقاچی باخدی گؤردو عربه بونی  زورلور آپاریر بیلیرسن

نه ایش گؤردو؟

دئدیم : یوخ، سن دنن نه ایش گؤردو.

گوله گوله دئدی : باشلادی دئدی هوچئی  هوچئی .

دئدیم: بونون گولمگی وار به گرک نه قئیریدی

دئدی : گرک دئیه یدی  هوووش ....هووووش..... هوچئی دیسه ن لاپ قاچا قاچا گئدر دایانمازکی.