گون سوزلری

گون سوزلزی

گوزل و اشیتملی سوزلر ترکی دیلیجه

0 گؤروش
یازار:‌ امین



فلکین چرخی اگر حیکمتینه کج دولانا
آچیلار باغلی قاپی انسان اگر دوز دولانا

*****

محبت یاشا باخماز / آقارمیش باشا باخماز‎
اگرگول گوزل اولسا / باخان داغ داشا باخماز

*****

کاغاذین آغینا باخ / سینمین داغینا باخ‎
گویلون منی ایستسه / محبت داغینا باخ

*****

‎گرچه عشق اهلی ایچیر باده نی جان سالیغینا
‎ایچیرم جام شرابی یارادان سالیغینا
‎ایچیرم سل ده سارا داغدا چوبان سالیغینا
‎ایچیرم مین گول ایچینده بیر تیکان سالیغینا
‎جوانی آیریلیق آخیرده قوجالدار بیلیرم
ایچیرم بیر قوجا شکلینده جوان ساغلیغنا

*****

‎گئجلر تک اوتوروب تک قالاسان عالمی وار
او گچن گونلره تک آغلیاسان عالمی وار‎
منده بیر گون بوتون عاشیقلر ایچینده یاشادیم‎
عاشیقین گوز یاشینا آغلیاسان عالمی وار

*****

‎کومور یانار کوز آقلار / دیل آلیشار سوز آقلار
‎دوست دوستان آیریلاندا / اورک یانار گوز آقلار

*****

چمن قورور داش قالار
گوز یومولار یاش قالار‎
هامی گلیب گئدندی‎
یولداشا یولداش قالار

*****

گوزدن آخان یاشا دونسم‎
بیر قانادسیز قوشا دونسم‎
انتظاردان داشا دونسم‎
سنی یادان چیخاتمارام

*****

‎یاقیش یاقار داشلارا
کیرپیک دییر قاشلارا‎
‎دیین اوچان قوشلارا
آپارسین بیزدن سلام‎
وفالی یولداشلارا

*****

قاشلارین اوخدی سنین / عاشقین چوخدی سنین‎
من سنی چوخ سویرم / خبرین یوخدی سنین

*****

بیچاره گوزوم هر گجه سنسیز باخار آقلار‎
صبحه کیمین اولدوزلاری بیر بیر سایار آقلار‎
سن آیریلیقی خوشلادین آما گجه گوندوز‎
دفترده قلم شرح فراقون یازار آقلار

*****

بی عطر سنبل اولماز / بی نغمه بلبل اولماز‎
دنیا بوتون گل آچسا / سنین کیمی گل اولماز

*****

‎عومور گچدی بیر شاد اولوب گولمه دیم
غم توزونی اورگیمدن سیلمدیم‎
گورچین تک بیر قوشوموش جوانلیق‎
‎نجه گلدی نجه گتدی بیلمدیم

*****

بولوتوز یاغار اولسون
سولاریز آخار اولسون‎
اوجاقیز یانار اولسون‎
‎نوروز بایرامیز موبارک اولسون

*****

گوزل اینسانلارگوزل گونلرده یادا دوشرلر
‎بو گوزل گونده دونیانین بوتون گوزلیک لری سیزین اولسون
‎بایرامیز مبارک

*****

گنه گلیر نازلی باهار نازلی یاز
هامیمیزین یازیسین بو ایل یاغلی یاز‎
جان سالیغی،جیب وارلیقی،اولوم آز‎
مهربان آللاهیم بئله یازی یاز‎
(تازا ایلیز موبارک اولسون)

*****

بولوتوز یاغار اولسون‎
سولاریز آخار اولسون‎
‎اوجاقیز یانار اولسون
‎چیلله گئجه ییز موبارک اولسون

*****

دنیادا 3 زادی چوخ ایسترم:
‎داغدا داشی
‎گوزده یاشی
سنین کیمین ناز یولداشی‎

*****

چشمه لر آخار گدر / دورنالار اوچار گدر‎
‎قوربانام وفالیا / وفاسیز باخار گدر

*****

داغلارین داشینا / چیخارام باشینا
‎سنین کیمین دوستون / دولاننام باشینا

*****

آنا زحمتین
آتا نصیحتین‎
‎باجی نعمتین
‎قارداش صداقتین
اهل طائفه شرافتین‎
دوستون حرمت ساخلیان انسانین قاداسین آلیم

*****

‎قیزیل گولی بیچرم اوستونده آند ایچرم
دونیا منه دوست اولا تهجه سنی سچرم

*****

‎داق باشیندا أکین اولماز / أکین اولسا بیچین اولماز
دنیادا مین گوزل اولسا / بیری سنین تکی اولماز

*****

‎استکانین داغ اولسون
ایچ داماغین چاق اولسون‎
دونیا مالین نینیرم دوستلار جانی ساق اولسون

*****

سنین ای نازنین دوستوم زیمیستانین باهار اولسون‎
سعادت تاجی باشیندا همیشه برقرار اولسون‎
امیدیم واردی او حقه نیازین اولماسین خلقه‎
سنی خار ایستین ظالیم ذلیل روزگار اولسون

*****

سو ایچرم چاناخدان / بال سوزولر دوداخدان‎
اوزوم گله بیلمسم / سلامیم وار اوزاخدان

*****

‎دوشنده لب لرین یاده الیمده آقلیار باده
حرام اولسون منه باده‎
شرابی ایچمرم دوست سیز‎
بهشته مسکنیم اولسا‎
بهشته گئدمرم دوست سیز

آردینی اوخو
دوشنبه 28 آبان 1397
بؤلوملر : گولملی سوزلر,

۱۵ آبان ایرانین تحریم لری قئیدیر

0 گؤروش
یازار:‌ امین

http://gunsuzlari.arzublog.com/uploads/gunsuzlari/hassanrouhani-president_-.jpg

سلام منیم ایستمه لی دیلداشلاریم
ایستیردیم فقط سیزه دئیم من بو گونه جان اوزوم اولوم ترامپین قره قورخو سوندان
قوخموردوم تا بو کی روحانی بویون چیخیب دئدی دوسلار اصلا آبانین ۱۵ دن قوخمائین
قرار دئییر بیر اتفاقی توشه !! هر شی اوز یئرینده دی و یئرینده ده اولاجاق !!!!
اله بو سوزلری دئیندن سونرا اوز اولموشوم جانیمدا بیر سویوخ تر اوتوردی هله ده اوزومو
تاپامامیشام 
هش زاد دا اله ایستدیم بیردن سیزده گورمه سم بیر حلالیق آلام

آردینی اوخو
جمعه 11 آبان 1397
بؤلوملر : گولملی سوزلر,

آفتاب یزد روزنامه سینین گوزل تیتری

0 گؤروش
یازار:‌ امین

http://gunsuzlari.arzublog.com/uploads/gunsuzlari/AftabYazd_s.jpg

آفتاب یزد روزنامه سی سون شماره سینده کی  سوت گونو(یکشنبه) ۶ آبان دا یاییلیر  یاشاسین آذربایجان تیترینه نن تراختورون تماشاگرلرینین مدنی شعارلاریندان کی خانیم لارین استادیوما گلمئه سین  آزادلیقین ایستیردیلر  حمایت الیب و بویوک تیترینن اول صفحه سینده چاپ اله دی



آردینی اوخو
شنبه 5 آبان 1397
بؤلوملر : ورزشی سوزلر,